اسلام آباد(مانیٹرنگ ڈیسک)پاکستان سپر لیگ ایڈیشن تھری اپنی تمام تر رنگینیوں کے ساتھ دبئی میں جاری ہے جہاں چوکوں چھکوں کی برسات نے تماشائیوں کا خون گرما دیا ہے ۔لائیو میچز دیکھنے کیلئے پاکستان ،بھارت،بنگلہ دیش سمیت پوری دنیا سے لوگ دبئی کرکٹ سٹیڈیم آرہے ہیں اور میچز سے لطف اندوز ہور ہے ہیں ۔ایک بھارتی جوڑا بھی میچ دیکھنے گزشتہ

روز دبئی کرکٹ سٹیڈیم میں آیا اور کراچی کنگز اور کوئٹہ گلیڈی ایٹرز کا میچ دیکھا۔بھارتی خاتون نے کہا کہ وہ  لالہ کو سپورٹ کرنے آئے ہیں ۔وہ پاکستان اور کشمیر سے ہیں ،آئی لو یو پاکستان۔۔۔ساتھ ہی کھڑے ان کے شوہر نے کہا وہ بھی شاہد آفریدی کو سپورٹ کرنے آئے ہیں ۔ان کا سیاسی کشیدگی سے کوئی لینا دینا نہیں ۔وہ صرف کرکٹ سے محبت کرتے ہیں۔