نیلسن(آن لائن)قومی ٹیم کے دو ابھرتے ستاروں شاداب خان اور حسن علی نے منفرد اعزاز میں اپنا حصہ ڈال دیا ہے ۔ نیوزی لینڈ کیخلاف دوسرے ون ڈے میں پاکستانی ٹاپ اور مڈ ل آرڈ ر مکمل طور پر ناکام دکھائی دیا اور محمد حفیظ کے 60رنز کے علاوہ کسی اور بلے باز نے خاص کاکردگی کا مظاہرہ نہ کیا،ایک موقع پر گرین شرٹس محض141رنز کے سکور پروکٹیں گنوا چکی تھی جب حسن علی اور شاداب خان نے

آٹھویں وکٹ کی شراکت میں محض49گیندوں میں60رنز کا اضافہ کیا ، اس دوران دو نوں بلے بازوں نے اپنی اپنی نصف سنچری بھی مکمل کی ، یہ دوسرا موقع تھا جب پاکستان کی جانب سے ون ڈے کرکٹ میں نمبر7یا اس سے نیچے بیٹنگ کرنے والے دو کھلاڑیوں نے ایک ہی میچ میں نصف سنچری مکمل کی ، اس سے قبل وہاب ریاض اور سعد نسیم نے 2015میں بنگلہ دیش کیخلاف یہ کارنامہ سر انجام دیا تھا ۔