اسلام آباد(سی پی پی)عالمی نمبر چھ مروان ال شوربیگے نے عالمی نمبر 13 ہم وطن محمد ابوالغائر کو شکست دیکر پاکستان اوپن مینز اسکواش چیمپئن شپ کا فائنل جیت لیا۔مصر سے تعلق رکھنے والے دونوں اسکواش کھلاڑیوں کے درمیان فائنل ہوا جس میں مروان نے ہم وطن ابو الغائر کو 1 کے مقابلہ میں 3 سے شکست سے دوچار کیا، فائنل کا تاج اپنے سر پر سجایا۔اسلام آباد کے مصحف علی میر اسکواش کمپلیکس میں

کھیلی جانے والی چیمپئن شپ کے فائنل کے مہمان خصوصی چیف آف ایئر اسٹاف سہیل امان تھے۔اس موقع پر عزیز پولانی، سینئر وائس پریزیڈنٹ اسکواش فیڈریشن، ایئر مارشل شاہد اختر علوی، قمر زمان، جہانگیر خان اور دیگر تھے۔فائنل جیتنے پر مروان ال شوربیگے کو آٹھ ہزار ڈالر اور خوبصورت ٹرافی جبکہ رنرز اپ محمد ابوالغائر کو چھ ہزار ڈالر اور ٹرافی دی گئی۔

موضوعات:مروان