پیرس(سی پی پی )سابق ومبلڈن چیمپئن اور فرانسیسی سٹار ماریون برٹولی نے چار برس بعد انٹرنیشنل ٹینس سے ریٹائرمنٹ کا فیصلہ واپس لیتے ہوئے آئندہ برس شیڈول ڈبلیو ٹی اے ٹورنامنٹس میں شرکت کا اعلان کر دیا، مارچ میں میامی اوپن سے انٹرنیشنل ٹینس میں کم بیک کریں گی۔ 33 سالہ فرانسیسی کھلاڑی نے انجری مسائل سے
دلبرداشتہ ہو کر اگست 2013ء میں انٹرنیشنل ٹینس کو خیرباد کہہ دیا تھا۔اپنے ایک بیان میں انہوں نے کہا کہ اب مکمل طور پر فٹ ہو گئی ہیں جس کی وجہ سے انہوں نے ریٹائرمنٹ واپس لیتے ہوئے دوبارہ ٹینس کھیلنے کا فیصلہ کیا۔ برٹولی کو ایک گرینڈ سلام ٹائٹل سمیت آٹھ ڈبلیو ٹی اے ٹائٹلز جیتنے کا اعزاز حاصل ہے، انہوں نے 2012ء میں کیریئر بہترین ساتویں پوزیشن حاصل کی تھی۔۔
