ڈھاکہ (این این آئی)بنگلہ دیش پر یمیئر لیگ، بگ بیش اور متنازع شارجہ لیگ کے بعد پاکستان کرکٹ بورڈ نے اپنے کئی کھلاڑیوں کو ایفرو ٹی 20 کھیلنے کی بھی اجازت دے دی ہے۔ٹورنامنٹ میں مختار احمد ، سعید اجمل، حسن رضا، ہمایوں فرحت، ریاض آفریدی، محمد خلیل ، شکیل انصر کے علاوہ ڈومیسٹک سیزن کھیلنے والے کئی کھلاڑی شامل ہیں۔اس وقت یوگینڈا میں ایفرو ٹی20 لیگ ہورہی ہے ٗ
پی سی بی نے لیگ کے لئے ان پاکستانی کھلاڑیوں کو این او سی جاری کردیا ہے جو کھلاڑی قائد اعظم ٹرافی میں شرکت نہیں کررہے ہیں انہیں آئی سی سی کی اجازت سے ہونے والی لیگ میں شرکت کی اجازت دے دی گئی ہے۔سترہ دسمبر سے شروع ہونے والی لیگ کے ابتدائی چار میچ بارش سے متاثر ہوئے ہیں۔
