ابو ظہبی (این این آئی)سنچری سے انٹرنیشنل کیرئیر کا آغازکرنیو الے امام الحق نے کہاہے کہ وہ تنقید کا جواب اپنے بلے سے دیں گے ٗڈومیسٹک کرکٹ میں پرفارم کرکے یہاں تک پہنچے ہیں۔ ان کے چچا کرکٹر تھے تو اس میں ان کا کیا قصور ہے؟میچ کے بعد پاکستان کے21 سالہ نوجوان اوپنرامام الحق نے پریس کانفرس کرتے ہوئے بتایا کہ انہوں نے ذہنی طور پر مقابلہ کرنا یونس خان
اور شعیب ملک سے سیکھا ہے ۔انہوںنے کہاکہ انڈر 19 ورلڈ کپ میں اچھا پرفارم کیا اور ڈومیسٹک کرکٹ میں بھی اچھی پرفارمنس دینے کے بعد یہاں تک پہنچا ہوں۔اما م الحق کے کہا کہ ہر بلے باز کا اپنا الگ انداز ہوتا ہے۔ انہوں نے بتایا کہ حفیظ نے ڈیبیو کیپ پہناتے وقت کہا تھا کہ تم سنچری کرو گے۔ اس کے علاوہ کھیل کے دوران بھی حفیظ نے کہا کہ تھکنا نہیں ورنہ جوتا ماروں گا۔
