اسلام آباد (مانیٹرنگ ڈیسک) سری لنکا کرکٹ ٹیم کے 20 کھلاڑی پاکستان آنے کے لیے تیار، تفصیلات کے مطابق سری لنکا کے کرکٹ بورڈ نے پاکستان اور سری لنکا کے درمیان تیسرا ٹی ٹوئنٹی میچ لاہور کے قذافی سٹیڈیم میں کھیلنے کا اعلان کیا تھا لیکن سری لنکا کے بعض کھلاڑیوں کی طرف سے سکیورٹی خدشات کی وجہ سے میچ کی جگہ تبدیل کرنے کے مطالبے پر یہ معاملہ خدشات کا شکار ہو گیا تھا، مگر اب سری لنکا کرکٹ حکام کا کہنا ہے کہ کچھ کھلاڑیوں نے سکیورٹی

کے خدشات کا اظہار کیا تھا مگر اب سری لنکا کرکٹ بورڈ کے مطابق 20 کھلاڑی پاکستان آ کر کھیلنے پر راضی ہیں لیکن تیسرا ٹی ٹوئنٹی میچ لاہور میں ہو گا یا نہیں اس کا حتمی فیصلہ پیر کے روز کیا جائے گا۔ سری لنکا کی ٹیم کے پاکستان آنے پر تیسرا ٹی ٹوئنٹی میچ 29 اکتوبر کو قذافی سٹیڈیم میں کھیلا جائے گا، واضح رہے کہ یہ سری لنکا کی طرف سے 8 سال بعد کوئی انٹرنیشنل میچ ہو گا۔ آٹھ سال قبل لاہور میں ہی سری لنکن کرکٹ ٹیم پر دہشت گردوں نے حملہ کر دیا تھا۔