اسلام آباد (مانیٹرنگ ڈیسک) ایشیا کپ ہاکی میں بھارت نے پاکستان کوتین گول کے مقابلے میں ایک گول سے ہرا دیا، دونوں روایتی حریفوں کے درمیان یہ میچ ڈھاکہ کے مولانا بھاشانی سٹیڈیم میں کھیلا گیا، اب تک کھیلے گئے ایشیا کپ کے تمام مقابلوں میں پاکستان نے بھارت کے خلاف پانچ میچوں میں فتح حاصل
کر رکھی ہے جبکہ بھارت نے یہ میچ جیت کر دو میچز میں فتح حاصل کر رکھی ہے۔ دسویں ایشیا کپ کے جاری مقابلوں میں اب تک پاکستان نے ایک میچ جیتا، ایک برابر کیا اور ایک ہارا ہے۔ واضح رہے کہ پاکستان ہاکی ٹیم نے تین دفعہ ایشیا کپ جیت چکی ہے جبکہ بھارت دو مرتبہ یہ اعزاز حاصل کر سکا ہے۔
