جکارتہ(آئی این پی)ملائشین گراں پری کی فائنل ریس میں بڑے بڑے نام ناکام ہوگئے۔ فارمولا ون ریس میں ڈچ ڈرائیور میکس ورسٹیپن نے ٹائٹل جیت لیا۔ملائشیا کے سی پینگ سرکٹ پر ہونے والی ریس میں 4 بار کے عالمی چیمپئن سباسچین ویٹل کو ریس میں شکست کا سامنا رہا جبکہ پول پوزیشن میں پہلے نمبر پر رہنے والے لیوئس ہیملٹن دوسرے نمبر پر رہے۔ 20 سالہ ڈچ ڈرائیور
میکس ورسٹیپن نے شاندار ڈرائیونگ کا مظاہرہ کیا اور ساتھی ڈرائیورز کو آگے نکلنے کا موقع نہ دیا۔انہوں نے لیپس سب سے پہلے مکمل کر کے کامیابی سمیٹی۔ میکس نے مقررہ فاصلہ 1 گھنٹہ 30 منٹ اور صفر ایک سکینڈز میں طے کرکے پہلی پوزیشن حاصل کی۔ 12.77 سکینڈز کے ساتھ برطانیہ کے لوئس ہیملٹن دوسرے اور آسٹریلیا کے ڈینیئل ریکارڈو تیسرے نمبر پر رہے۔ سباسچین ویٹل نے پول پوزیشن پر آخری جبکہ فیصلہ کن ریس میں چوتھی پوزیشن حاصل کی۔
