بنگلور (این این آئی)بھارتی ٹیم کے مایہ ناز اوپننگ بیٹسمین روہت شرما نے ون ڈے انٹرنیشنل کرکٹ میں سابق جنوبی افریقن بلے باز جیکس کیلس اور نیوزی لینڈ کے مارٹن گپٹل کے زیادہ چھکوں کا ریکارڈ توڑ دیا، اسطرح شرما زیادہ چھکے لگانے والے دنیا کے 15 ویں کھلاڑی بن گئے ہیں، شرما نے گزشتہ روز کینگروز کے خلاف کھیلے گئے چوتھے ایک روزہ میچ میں 65
رنز کی اننگز کھیلی جس میں 5 چھکے بھی شامل تھے، شرما نے اب تک 141 چھکے لگا رکھے ہیں، کیلس نے 137 اور گپٹل نے 138 چھکے لگائے ہوئے ہیں۔ واضح رہے کہ ایک روزہ کرکٹ کی تاریخ میں زیادہ چھکے لگانے کا عالمی اعزاز سابق پاکستانی آل رائونڈر شاہد خان آفریدی کو حاصل ہے جنہوں نے 351 چھکے لگا رکھے ہیں۔
