لاہور(این این آئی) اسپاٹ فکسنگ اسکینڈل میں سزا یافتہ کرکٹر شرجیل خان نے پابندی کے خلاف اپیل کا فیصلہ کرلیا۔پاکستان کرکٹ بورڈ کے اینٹی کرپشن ٹریبونل نے اسپاٹ فکسنگ کیس میں شرجیل خان پر 5 سال کی پابندی عائد کردی اور اس دوران شرجیل خان ڈھائی سال تک کرکٹ سے دور رہیں گے جبکہ ان پر پابندی کا اطلاق 10 فروری 2017 سے ہوا ہے۔ذرائع کے مطابق شرجیل

خان فیصلے کے خلاف اپیل دائر کریں گے جو اسی ہفتے دائر کی جائیگی۔ذرائع کے مطابق شرجیل خان پانچوں شقوں پر ہونے والی سزا کو چیلنج کریں گے اور ان کے وکیل کی جانب سے اپیل کا متن تیار کرلیا گیا ۔ذرائع نے بتایا کہ شرجیل خان چیئرمین پی سی بی کو آزادانہ ایڈجوڈیکیٹرکو کیس بھجوانے کی درخواست کریں گے۔واضح رہے کہ اسپاٹ فکسنگ کیس میں ایک اور معطل کرکٹر خالد لطیف کے خلاف بھی کیس زیر سماعت ہے۔