لاہور(این این آئی)ورلڈ الیون اور پاکستان کے درمیان آزادی کپ کو سپورٹ کرنے کے لئے کراچی سے کرکٹ کے جنونی نے2 ٹرک لاہور بھیج دیئے۔ ٹرکوں پر کھلاڑیوں کی تصاویر آویزاں ہیں۔تفصیلات کے مطابق کرکٹ کے متوالے ایک سے بڑھ کر ایک، آزادی کپ لاہور میں لیکن جوش کراچی میں بھی عروج پر ہے۔ ورلڈ الیون کی آمد کی خوشی میں کراچی سے 2 ٹرکوں کو سجا کر لاہور بھیج دیا گیا۔ ان ٹرکوں کو نہ صرف آزادی کپ

کے رنگوں میں رنگا گیا بلکہ دونوں ٹیموں کے کھلاڑیوں کی تصاویر سے بھی سجایا گیا ہے۔دونوں ٹرکوں پر پانی کی 50 ہزار بوتلیں موجود ہیں۔ ان ٹرکوں کے ذریعہ اسٹیڈیم کا رخ کرنے والے شائقین کی پیاس بھجائی جائے گی۔