لاہور (نیوزڈیسک)پھٹیچر نہ ریلو کٹے۔بلکہ۔! ورلڈ الیون کے دورہ پاکستان پر بھی عمران خان بول پڑے، تفصیلات کے مطابق عمران خان نے ورلڈ الیون کے دورہ پاکستان کی حمایت کر دی ،عمران خان نے اس بار نہ کسی کو پھٹیچر کہا اور نہ ہی ریلو کیٹا بلکہ کپتان نے پاکستان کے دورہ ورلڈ الیون کو خوش آئندہ قرار دیتے ہوئے کہا کہ ورلڈ الیون کو پاکستان

لانے کا فیصلہ اچھا اقدام ہےانہوں نے کہاکہ عوام اپنے ملک میں بین الاقوامی کرکٹ دیکھنے کیلئے ترسے ہوئے ہیں۔انہیں امید ہے کہ ورلڈ الیون کا دورہ پاکستان کامیابی سے ہمکنار ہوگا۔ واضح رہے کہ ماضی میں عمران خان کی جانب سے پاکستان سپر لیگ کے فائنل کے پاکستان میں انعقاد کی مخالفت کی گئی تھی۔ تاہم اب ان کی جانب سے ورلڈ الیون کے پاکستان کے دورے کی حمایت کی گئی ہے۔ ورلڈ الیون اگلے ماہ 3 ٹی ٹوئنٹی میچز کی سیریز کیلئے پاکستان کا دورہ کرے گی۔ ورلڈ الیون میں دنیا کے مایہ ناز کرکٹر شامل ہوں گے۔ دورے کا مقصد پاکستان میں بین الاقوامی کرکٹ کو واپس لانا ہے۔