لاہور (مانیٹرنگ ڈیسک) ویسٹ انڈیز کے سٹار کھلاڑی ڈیرن سیمی جو کہ پاکستان میں بھی ہردلعزیز ہیں انہوں نے ان کی جانب سے اسلام قبول کرنے کی افواہوں کی تردید کردی ہے، واضح رہے کہ پشاور زلمی کے مالک جاویدآفریدی نے یہ دعویٰ کیا تھا کہ ویسٹ انڈین کھلاڑی ڈیرن سیمی اسلام کی جانب مائل ہو رہے ہیں اور امید ہے کہ

وہ دائرہ اسلام میں داخل ہو جائیں گے۔جاوید آفریدی کے دعوے کے بعد ڈیرن سیمی نے کسی ردعمل کا اظہارکرنے سے گریز کیاتھا تاہم اب انہوں نے ان دعوﺅں کی تردید کر دی ہے۔ڈیرن سیمی نے سماجی رابطوں کی ویب سائٹ ”ٹوئٹر“ پر جاری ایک پیغام میں اسلام قبول کرنے کی خبروں کی تردید کرتے ہوئے اپنے پیغام میں کہا کہ ”ہمیشہ کیلئے عیسائیت دوست،یسوع مسیح میرے آقا اور نجات دہندہ ہیں، اور مجھے عیسائی ہی رہنے دو۔“