اسلام آباد (مانیٹرنگ ڈیسک) عمران نذیر کی کرکٹ میں واپسی، پاکستان سپر لیگ کی اہم ٹیم کا حصہ بن گئے، تفصیلات کے مطابق قومی ٹیم کے سابق اوپنر عمران نذیر جو کہ بیماری کی وجہ سے کرکٹ سے دور تھے، صحت یابی کے بعد پاکستان سپر لیگ کے تیسرے ایڈیشن میں اپنی بیٹنگ کے جوہر دکھاتے نظر آئیں گے، سابق اوپنر بیٹسمین عمران نذیر پی ایس ایل کا حصہ بننے والی
نئی فرنچائز ملتان سلطان کی طرف سے کھیلیں گے، اپنی بیماری کی وجہ سے 36 سالہ عمران نذیر 2014 سے کرکٹ سے کنارہ کش ہیں عمران نذیر نے پی ایس ایل میں ملتان سلطان کی طرف سے اچھی کارکردگی کا مظاہرہ کیا تو انہیں قومی ٹیم میں واپسی کا پروانہ بھی مل سکتا ہے۔ مگر یہ منحصر کرے گا ان کی بیٹنگ پر کہ آیا وہ پہلے جیسے کارکردگی دکھا سکیں گے یا نہیں۔
