اسلام آباد (مانیٹرنگ ڈیسک) عمر اکمل کے مکی آرتھر پر الزامات، انضمام الحق اور وسیم اکرم کا حیرت انگیز ردعمل سامنے آ گیا، تفصیلات کے مطابق پاکستان کے وکٹ کیپر بیٹسمین عمر اکمل نے قوم ٹیم کے کوچ مکی آرتھر کے خلاف الزامات کی بوچھاڑ کرتے ہوئے کہا کہ انہوں نے مجھے گالیاں بھی دیں، مگر عمر اکمل کے اس دعوے کو مسترد کرتے ہوئے مکی آرتھر نے کہا کہ میں نے عمر اکمل کو ڈانٹا ضرور مگر
گالیاں نہیں دیں، جس وقت قومی ٹیم کے کوچ مکی آرتھر نے عمر اکمل کو ڈانٹا تو وہاں مشتاق احمد اور انضمام الحق بھی موجود تھے،کوچ مکی آرتھر نے عمر اکمل کو مسلسل خراب کارکردگی پر ڈانٹا۔ قومی کرکٹ ٹیم کے سلیکٹر انضمام الحق نے ہیڈ کو چ مکی آرتھر کے اس اقدام کو سراہا۔ عمر اکمل کے ان الزامات پر وسیم اکرم نے کہا کہ خراب کارکردگی پر کوچ کھلاڑیوں کو ڈانٹے گا نہیں تو کیا انہیں گو د میں بٹھائے گا۔
