اسلام آباد (مانیٹرنگ ڈیسک) گندی سیاست، عمران خان پر الزامات لگانے والی عائشہ گلالئی کی بہن ماریہ طور نے سرپرائز دے دیا، تفصیلات کے مطابق تحریک انصاف کی منحرف رہنما اور رکن قومی اسمبلی عائشہ گلالئی کی بہن ماریہ طور جو کہ سکواش کی عالمی کھلاڑی بھی ہیں نے ویب سائٹ ٹویٹر کے ذریعے ان خبروں کی سختی سے تردید کی کہ میرا سیاست میں آنے کا کوئی ارادہ نہیں ہے، میں غیر سیاسی ہوں اور
سیاست سے بہت نفرت کرتی ہوں۔ ماریہ طور نے کہا کہ وہ پاکستان کی گندی سیاست میں کبھی قدم نہیں رکھیں گی اور صرف اپنے فلاحی کاموں سے پاکستان کی خدمت کریں گی۔ واضح رہے کہ میڈیا میں یہ خبریں گردش کر رہی تھیں کہ عائشہ گلالئی کی بہن ماریہ طور نے سیاست میں آنے کا اشارہ دیتے ہوئے کہا ہے کہ اس بارے میں ابھی تک حتمی فیصلہ نہیں کیا، تاہم وہ مستقبل میں سیاست کے میدان میں آ سکتی ہے۔
