اسلام آباد(مانیٹرنگ ڈیسک)پاکستان نے شاندار کارکردگی کے بعد چیمپئنز ٹرافی جیت لی ۔ میچ کے دوران اور بعد میں پاکستانی شائقین نے جیت کا زبردست جشن منایا۔بھارتی ٹیم کے کھلاڑی جیسے ہی ڈریسنگ روم میں واپس آنے لگے پاکستانی شائقین نے بھارتی کھلاڑیوں پر فقرے کسے ۔ایک موقع پر جب یوراج سنگھ سامنے آئے تو پاکستانی شائقین نے انہیں’’باپ‘‘ والا ڈائیلاگ یاد دلایا۔بار بار یہ فقرہ دہرانے پر یوراج سنگھ غصے کے عالم میں پاکستانی شائق کی طرف لپکے لیکن مہندرسنگھ دھونی نے انہیں روک لیا۔آگے کیا ہوا آپ خود ہی ویڈیو دیکھ لیجئے۔
دریں اثناءشاندار کارکردگی پر قومی کرکٹ ٹیم کے کپتان سرفراز احمد کو پی آئی اے نے بھی ترقی دیدی۔نجی ٹی وی کے مطابق پی آئی اے کے چیف ایگزیکٹو آفیسر نیئر حیات نے پاکستان کرکٹ ٹیم کے کپتان اور اے کرکٹ ٹیم کے اہم رکن سرفراز احمد کو گروپ 7میں ترقی دینے کے احکامات جاری کر دئیے ہیں ۔دریں اثنا وزیر اعظم کے مشیر برائے ہوا بازی سردار مہتاب احمد ،پی آئی اے کے چیئرمین عرفان الٰہی اور پیآئی اے کے چیف ایگزیکٹو آفیسر نئیر حیات نے پاکستان کرکٹ ٹیم کو شاندارکارکردگی پیش کر کےچیمپئنز ٹرافی جتوانے پرسرفرازاحمد کو مبارکباد پیش کی ہے۔