مردان /اوول (مانیٹرنگ ڈیسک) آئی سی سی چیمپنزٹرافی میں بھارت کےخلاف شاندارسنچری کرنے والے فخرزمان کے بارے میں میڈیاپرپہلے یہ خبریں سامنے آئی تھیں کہ وہ نیوی میں ملازمت کرتے تھے لیکن بہت کم افراد کویہ معلوم ہے کہ فخرزمان کوکرکٹ سے اتناجنون تک لگائوبچپن سے ہی تھا کہ انہوں نے نیوی کی ملازمت بھی چھوڑدی تھی ۔فخرزمان کاتعلق خیبرپختواکے ضلع مردان کے علاقے کاٹلنگ سے ہے
اوروہ پانچ بھائی ہیں لیکن فخرزمان گھرمیں بھی سب کے لاڈلے ہیں کہ وہ بھائیوں میں سب سے چھوٹے ہیں ۔جب انہوں نے کرکٹ کھیلناشروع کی توگھروالوں نے اس کی شدیدمخالفت کی مگروہ کرکٹ سے انتہائی جنون تک محبت کرتےتھے اورمقامی ٹیموں سے میچ کھیلنے کےلئے وہ اپنے شہرکے دوردرازعلاقوں میں جاکرمیچ کھیل کرہی گھرواپس آتے تھے ۔فخرزمان کاخاندان جب کراچی منتقل ہواتووہ نیوی میں بھرتی ہوگئے ۔انہوں نے ملازمت 2007میں شروع کی لیکن کرکٹ سے محبت میں یہ ملازمت چھوڑدی اور2013 میں وہ مقامی کرکٹ کاحصہ بن گئے ۔فخرزمان نے پاکستان کپ 2016میں خیبرپختونخواکی نمائندگی کی اوراس ایونٹ میں انہوں نے 279رنزبھی سکورکئے جس میں بھی ایک سنچری اوردونصف سنچریاں شامل تھیں اورفخرزمان نے اس فائنل میں بھی 115رنزسکورکئے تھے اوران کی ٹیم فائنل جیت گئی تھی ۔اس کے بعد فخرزمان پاکستان سپرلیگ کی فرنچائزلاہورقلندرکی طرف سے دوسرے ایڈیشن میں کھیلے اوراپنی شاندارکارکردگی کی بدولت قومی ٹیم کے بڑوں کی نظروں میں آگئے اوران کی قومی ٹیم میں سلیکشن ہوگئی ۔فخرزمان نے اپنے ڈیبیوکاآغازآئی سی سی چیمپنزٹرافی 2017میںجنوبی افریقہ کے خلاف میچ سے کیااورسیمی فائنل میں انہوں نے انگلینڈکے خلاف اظہرعلی کے ساتھ مل کر118رنزکی پارٹنرشپ کی
جبکہ فائنل میں انہوں نے 114رنزسکورکئے جوکہ بھارت کودیئے گئے ہدف میں ایک بڑاسکور تھااوراسی سنچری نے بھارت کوپہاڑجتناسکورکوطے کرنے پرمجبورکیالیکن بھارت یہ میچ پاکستان سے 100رنزسے ہارگیا۔پاکستان کے آئی سی سی فائنل میں جیت کے بعد ان کےگھرمیں لوگوں کی بڑی تعدادجمع ہے اورفخرزمان کی فیملی کومبارکبادیں دےرہی ہے اورفخرزمان کی شاندارکارکردگی سے ان کے گھروالوں کابھی سرفخرسے بلندہوگیاہے ،اس موقع پرفخرزمان کے والد فقیرگل اپنے بیٹے کی شاندارکارکردگی پرنہایت ہی خوش ہیں ۔
