اوول(آئی این پی)پاکستانی شاہین بھارتی سورماؤں پرایسے جھپٹے کے سوشل میڈیا پر پاکستان پر حملہ آور بھارتیوں کے منہ کو بھی تالے لگ گئے ، ٹوئٹر اور فیس بک کے ذریعے پاکستانیوں پر طنز کرنے والے بھارتی میچ میں بھارت کی عبرتناک شکست کو دیکھ کر بالکل خاموش ہوگئے ۔ اتوار کو چیمپئنز ٹرافی کے فائنل میں پاکستان نے ٹائٹل کا دفاع کرنے والی ٹیم اور روایتی حریف بھارت کو ایسی عبرتناک شکست دی کہ تمام بھارتیوں کے چہرے لٹک گئے اور زبان خاموش ہوگئی ، جب سے پاکستان اور بھارت کی کرکٹ ٹیموں کے نام چیمپئنز ٹرافی کے فائنل کیلئے سامنے
آئے تھے تب سے ہی فیس بک اور ٹوئٹر پر بھارتیوں نے پاکستانی ٹیم اور پاکستانیوں کو شدید تنقید اور طنز کا نشانہ بنانا شروع کردیا تھا ،یہاں تک کہ اس کام میں بھارتی سٹار رشی کپور سمیت اور بھی بہت سے بڑے نام شامل ہیں جو پاکستان پر تنقید کر رہے تھے مگر میچ میں پاکستانی کھلاڑیوں نے ایسا شاندار کھیل پیش کیا کہ تمام بھارتیوں کو خاموش کرا دیا ۔ گراؤنڈ میں بھارتی ٹیم کو دھول چٹانے کا سلسلہ چل رہا تھا کہ بھارت کی فیس بک کی اور ٹوئٹر برگیڈ مکمل طور پر خاموش اختیار کر گئی اور اس کے بعد پاکستانیوں کی طرف سے بھارتیوں پر جواباً طنز شروع ہوگیا۔
