لندن (مانیٹرنگ ڈیسک) پاکستان اوربھارت کی کرکٹ ٹیمیں آئی سی سی چیمپینزٹرافی کافائنل کھیلنے کےلئے اوول پہنچ گئی ہیں ،ایک ویڈیوکلپ کے مطابق جب پاکستانی اوربھارتی کھلاڑی اپنے اپنے ڈریسنگ روم میں جارہے تھےتودونوں ٹیموں کے کھلاڑیوں کاآمناسامناہوگیالیکن حیران کن طورپردونوں ٹیموں کے کھلاڑیوں نے ہاتھ ملائے اورنہ کسی قسم کی بات چیت کی ۔ جبکہ پاکستانی کرکٹ ٹیم کے ہیڈکوچ مکی آرتھرنے بھارتی ٹیم کے کوچ انیل کمبلے سے ہاتھ ملایا
تاہم اس وقت پاکستانی ٹیم کامورال بلند ہے کیونکہ پاکستان نے اس ایونٹ میں بھارت سے شکست کے بعد جنوبی افریقہ ،سری لنکااورانگلینڈجیسی ٹیموں کوشکست دی جبکہ بھارت نے بہترین کارکردگی کامظاہرہ صرف پاکستان کے خلاف کیا،پاکستان کے پاس اس وقت بہترین بائولنگ اٹیک ہے جس میں حسن علی ،جنیدخان ،محمدعامر،شاداب خان ،رومان رئیس اورعمادوسیم شامل ہیں جوکہ کسی بھی طاقتورترین بیٹنگ لائن کوتہس نہس کرنے کی صلاحیت رکھتے ہیں ۔
