کراچی (مانیٹرنگ ڈیسک)معروف باکسرعامرخان نے 7سالہ پاکستانی بچے کاعلاج کرانے کااعلان کردیاہے ۔تفصیلات کے مطابق عامرخان کوجب معلوم ہواکہ علی حسن جس کی عمرابھی صرف 7برس ہے اوراس کے چہرے پررسولی ہے جوکہ تیزی سے پھیل رہی ہے توانہوں نے بچے کی حالت دیکھ کراپنے فیس بک پیج کے ذریعے معلومات لیں اورعلی حسن کے والد سے رابطہ کیا۔نجی ٹی وی کے ذرائع کے مطابق علی حسن کے والد محمدمنشاسے عامرخان نے ٹیلی فون پرگفتگوکی اوران کوبتایاکہ علی حسن کے چہرے پررسولی ہے اس کی سرجری کےلئے وہ خود یہ اخراجات برداشت

کریں گے ۔علی حسن کے والد سے بات چیت کے بعد عامرخان نے اپنے فینزکوفیس بک پربتایاکہ ان  کی عامرخان فائونڈیشن علاج کے اخراجات برداشت کرے گی جبکہ علی حسن کے گھروالوں کی بھی مالی امدادکی جائے گی،معروف باکسرکی طر ف سے اپنے آفیشل فیس بک پیج پراس پوسٹ کوہزاروں افراد نے لائک کیااوراسی طرح اس کوشیئربھی کیاگیا۔عامرخان نے بعض فینزنے اس پوسٹ پراپنے کمنٹس میں کہاکہ وہ بھی علی حسن کے علاج کےلئے مددکرنے کےلئے تیارہیں ۔