برمنگھم (این این آئی) انٹرنیشنل کرکٹ کونسل (آئی سی سی) کے زیر اہتمام آٹھواں آئی سی سی چیمپئنز ٹرافی کرکٹ ٹورنامنٹ 2017ء میں پاک بھارت ٹاکرا چار جون ہوگا تفصیلات کے مطابق پاکستان اور بھارت کے درمیان میچ چار جون کو کھیلا جائیگا اس سلسلے میں پاک بھارت ٹاکرا،ٹیموں کی تیاریاں عروج پر پہنچ گئیں۔

گرین شرٹس نے بولنگ، بیٹنگ اور فیلڈنگ کا ایک اور بھرپور سیشن کیا ٗکپتان سرفراز نے کہاکہ یقین ہے کھلاڑی فریش مائنڈ کے ساتھ میدان میں جائیں تو کمال دکھائیں گے ۔قومی ٹیم کے کپتان سرفراز نے کہاکہ بھارت کے خلاف4 فاسٹ بولرز کے ساتھ بھی میدان میں جا اتر سکتے ہیں۔کپتان نے بھارتی ٹیم کو قابو کرنے کیلئے چار فاسٹ بولرز کھلانے کا بھی عندیہ دیدیا۔قومی کرکٹ ٹیم کے کپتان سرفراز احمد نے کہا کہ بھارت کے خلاف میچ کو لے کر ٹیم پر کوئی دبائو نہیں ہے جب کہ خواہش ہے بھارت کے خلاف میری باری سے پہلے ہی میچ ختم ہو جائے۔