نئی دہلی(آئی این پی)پاکستان بھارت کرکٹ سیریز کی تمام امیدیں دم توڑ گئیں، بھارت نے بورڈ عہدیداروں کوپی سی بی حکام سے ملاقات سے بھی روک دیا۔پی سی بی حکام سے ملاقات پر بھارتی وزیرکھیل اپنے بورڈ پر برہم ہیں،وجے گوئیل کا کہنا تھا کہ بھارت کو پی سی بی کام سے ملاقات کی ضرورت نہیں،جب کہہ دیا پاکستان سے سیریز نہیں ہو سکتی تو ملاقات کیوں کی گئی۔واضح رہے کہ گزشتہ روز باہمی کر کٹ سیریز کیلئے دونوں بورڈز کے حکام کے

درمیان دبئی میں مذاکرات ہوئے جو بے نتیجہ ختم ہوگئے۔ دونوں پی سی بی اوربی سی سی آئی حکام کے درمیان مذاکرات دبئی میں خوشگوار ماحول میں ہوئے۔دونوں بورڈزمیٹنگ سے اپنی حکومتوں کو آگاہ کریں گیاورمستقبل میں بھی بات چیت جاری رکھیں گے،پاکستان نے باہمی سیریز کیلئے بھارتی بورڈ کو ہرجانے کا نوٹس بھیجا تھا۔ پاکستان اوربھارت کے درمیان 8سالوں میں 6سیریز کا معاہدہ ہوا تھا جس میں 4کی میزبانی پاکستان اور2 کی بھارت نے کرنا تھی۔