لاہور(مانیٹرنگ ڈیسک) پاکستان سپرلیگ میں سپاٹ فکسنگ سکینڈل کے الزام میں ملوث کرکٹرعمرامین نے ٹریبونل کے سامنے بکی یوسف سے رابطوں کااعتراف کرلیاہے اوراس حوالے سے اپنااعترافی بیان کاحلف نامہ بھی جمع کرادیاہے جس میں انہوں نے اعتراف کیاہے کہ ان کے یوسف سے رابطے بہت پرانے ہیں ۔نجی ٹی وی کے مطابق عمرامین نے اعتراف کیاکہ اس کودوڈیڈبالوں کے عوض 20لاکھ روپے کی آفرہوئی تھی ۔

اعترافی بیان میں مزید لکھا ہے کہ وہ بکی یوسف انور کو 2014 انگلش لیگ کرکٹ سے جانتا ہے5جنوری کو اسے یوسف کا واٹس ایپ پیغام موصول ہوا تھا ۔یوسف نے کہا کہ وہ ایک سود مند کاروباری معاملات پر بات چیت کا خواہشمند ہے۔یوسف نے مجھ سے پوچھا کہ میں پی ایس ایل2 کیلئے دبئی کب پہنچوں گا۔عمر امین نے اپنے بیان حلفی میں مزید لکھا ہے کہ یوسف کے آفر میں نے یکسر مسترد کردی تھی،

موضوعات:پاکستان سپرلیگ