لاہور (مانیٹرنگ ڈیسک) مصباح الحق اور یونس خان کوکرکٹ سے ریٹائرمنٹ کے بعد ان کو شاندارخراج تحسین پیش کرنے کاسلسلہ جاری ہے اوردونوں کھلاڑیوں کے بارے میں مختلف کرکٹرزاورکرکٹ کے مداح تبصرے کررہے ہیں ۔اسی طرح مصباح الحق اور یونس خان کے بارے میں جنوبی افریقہ کے معروف کرکٹراے بی ڈویلئرنے بھی ان دونوں پاکستانی کرکٹ سٹارزکوخراج تحسین پیش کیاہے
اورساتھ ہی انکشاف کیاہے کہ انہوں نے ٹی ٹوئنٹی کرکٹ میں سوئپ شاٹ کھیلنایونس خان سے سیکھی ہے اوروہ اس حوالے سے میرے استادہیں ۔اے بی ڈویلئرنے بتایاکہ یہ کوئی آسان شاٹ نہیں ہوتی ہے بلکہ اس پرزیادہ محنت کرناپڑتی ہے اورجب یونس خان ٹی ٹوئنٹی میں یہ شاٹ کھیلتے تھے توان کی ٹائمنگ اتنی شاندارہوتی تھی کہ وہ کیچ بھی نہیں دیتے تھے اورنہ ہی ایل بی ڈبلیوہوتے تھے ۔
