لاہور (مانیٹرنگ ڈیسک )پاکستانی ٹیسٹ کرکٹ ٹیم کے سابق کپتان مصباح الحق کی اہلیہ عظمیٰ خان نے انکشاف کرتے ہوئے بتایا ہے کہ شادی کے بعد مجھے طعنے دئیے جاتے تھے کہ مصباح کےپاکستان ٹیم میں سلیکٹ نہ ہونے کی وجہ میں ہوں جس کے باعث میں ذہنی طور پر مصباح کی ناکامی کی وجہ خود کو قرار دینے لگ گئی۔ میں نے مـصباح کی کامیابی کیلئے ہر نماز اور تہجد میں دعائیں مانگیں

کہ وہ پاکستانی ٹیم میں سلیکٹ ہو جائیں۔ عظمیٰ خان کا کہنا تھا کہ2007میں ایک دن مصباح نے مجھے کہا کہ میں آئندہ کسی تقریب میں شرکت نہیں کروں گا چاہے وہ کسی شادی کی ہو یا کسی کی برتھ ڈے ، مجھے صرف 6ماہ درکار ہیں اور مجھے تمہارا تعاون چاہئے۔ پھر مصباح نے ایک کیمرہ لیا اور نیٹ پریکٹس شروع کر دی۔ وہ ہر روز رات کو اپنی پریکٹس کی ویڈیو دیکھتے اور اپنی خامیوں کا جائزہ لیتے۔ محنت نے مصباح کو کندن بنا دیا اور پھر سب نے دیکھا کہ وہی مصباح الحق جو سلیکٹ نہیں ہو پا رہے تھے انہوں نے اتنی اونچی اڑان بھری کہ سب دیکھتے رہ گئے اور آج سارا پاکستان ان پر فخر کر رہا ہے۔پھر مصباح نے ایک کیمرہ لیا اور نیٹ پریکٹس شروع کر دی۔ وہ ہر روز رات کو اپنی پریکٹس کی ویڈیو دیکھتے اور اپنی خامیوں کا جائزہ لیتے۔ محنت نے مصباح کو کندن بنا دیا اور پھر سب نے دیکھا کہ وہی مصباح الحق جو سلیکٹ نہیں ہو پا رہے تھے انہوں نے اتنی اونچی اڑان بھری کہ سب دیکھتے رہ گئے اور آج سارا پاکستان ان پر فخر کر رہا ہے۔

موضوعات:عظمی خان مصباح الحق