لاہور(آئی این پی )مرد بحران، یونس خان نے کیرئیر میں کئی اہم ریکارڈ اپنے نام کئے ہیں اور اب ان کیلئے ایک اور شاندار اعلان کر دیا گیا ہے۔39سالہ سابق ملکی کپتان کو گزشتہ سال انگلینڈ کے خلاف کھیلی گئی ٹیسٹ سیریز میں شاندار کارکردگی دکھانے پر وزڈن کرکٹرز آف دی ائیر کے کیلنڈر کے 2017ء4 ایڈیشن میں شامل کیا گیا اور اب انہیں اس کیلنڈر کا ایک خاص لیدرباؤنڈ ایڈیشن دینے کا اعلان بھی کیا گیا ہے
جو 18 مئی کو لارڈز کے تاریخی میدان میں ان کے حوالے کر کے کرکٹ کیلئے ان کی انتھک خدمات کو خراج تحسین پیش کیا جائے گا۔یاد رہے کہ وزڈن کرکٹرز آف دی ایئر ایوارڈ 1889ء میں شروع ہوا تھا۔ ہر سال وزڈن کرکٹرز کے کیلنڈر میں 5 ایسے کھلاڑیوں کو شامل کیا جاتا ہے جو انگلش سمر سیزن کے دوران دنیائے کرکٹ میں ان مٹ نقوش چھوڑ جاتے ہیں۔اس کیلنڈر کے 2017ء کے ایڈیشن میں یونس خان کو بھی شامل کیا گیا ہے
