لاہور(آئی این پی)فرانس کے سابق اسٹار فٹبالر نکولس انیلکا پاکستان آ کر برازیل کے اسٹار فٹبالر رونالڈینہو اوردیگر پلیئرزکے ساتھ فائیو اے سائیڈ فٹبال میچ کھیلیں گے۔نکولس انیلکا نے اپنے ایک پیغام میں کہا ہے کہ السلام علیکم پاکستان! ایک مسلمان کی حیثیت سے مسلم ملک پاکستان آ کر بہت خوشی ہو گی جہاں رونالڈینہو سے ملاقات ہو گی اور ان سے میچ بھی کھیلوں گا انہوں نے مزید کہا کہ اس اقدام کا مقصد پاکستان میں

فٹبال کو فروغ دینا ہے اور اسلام قبول کرنے کے بعد تو میرا پاکستان کے ساتھ ایک خاص تعلق ہے۔لیژر لیگ کے زیر اہتمام نمائشی میچ میں نیدر لینڈ کے سابق مڈ فیلڈر جارج بوائٹنگ اور انگلش ٹیم کے سابق گول کیپر ڈیوڈ جیمز بھی پاکستان آئیں گے۔واضح رہے کہ نکولس انیلکا نے اپنے کیریئر کے دوران چیلسی اور ریئل میڈرڈ سمیت 13 مختلف کلبز کی نمائندگی کرتے ہوئے 600 سے زائد کلب میچز میں حصہ لیا اور200 سے زائد گول اسکور کیے ہیں۔ 2004 میں انہوں نے اسلام قبول کیا اور ان کا اسلامی نام عبدالسلام بلال ہے۔

موضوعات:نکولس انیلکا