کراچی (مانیٹرنگ ڈیسک )وسیم اکرم نیول اکیڈمی جا پہنچے، عظیم کرکٹر کا پرتپاک استقبال، نیول اکیڈمی کے مختلف حصے بھی دکھائے گئے، اعزازی سوونیئر پیش۔ تفصیلات کے مطابق دنیائے کرکٹ کے عظیم سابق کھلاڑی ، کنگ آف سوئنگ وسیم اکرم نے سماجی رابطوں کی ویب سائٹ ٹویٹر پر پاکستان نیول اکیڈمی کے دورے کے موقع کی تصاویر شیئر کی ہیں۔
عظیم کرکٹر نے نیول اکیڈمی کی جانب سے دعوت دئیے جانے پر حکام کا شکریہ بھی ادا کیا ہے۔ نیول اکیڈمی کے دورے کے موقع پر وسیم اکرم کا پہنچنے پر پرتپاک استقبال کیا گیا اور انہیں اکیڈمی کے مختلف حـصوں کا دورہ بھی کرایا گیا جبکہ وسیم اکرم کو نیول اکیڈمی میں ایک اعزازی سوونیئر بھی پیش کیا گیا۔ وسیم اکرم نے اپنے ٹویٹر پیغام میں کہا ہے کہ پاکستان نیول اکیڈمی میں آکر بہت فخر محسوس کر رہا ہوں
– Felt so very proud of visiting our Pakistan Naval Academy Karachi yesterday. Thank you for having me aboard ⚓ pic.twitter.com/h79C43XfMx
— Wasim Akram (@wasimakramlive) May 10, 2017
