اسلام آباد(این این آئی)پی سی بی کے چیئرمین شہریار خان نے مصباح الحق کو عمران خان سے بڑا کپتان قرار دیدیا۔قائمہ کمیٹی کے سامنے پیشی کے بعد میڈیا سے گفتگو کرتے ہوئے انہوں نے کہا کہ مصباح الحق کو عمران خان سے بڑا کپتان سیاسی بنیادوں پر نہیں کہہ رہا ٗمیرا سیاست سے دور دور تک کوئی تعلق نہیں ہے۔ انہوں نے
کہا کہ ویون رچرڈ پھٹیچر کھلاڑی نہیں تھے تاہم وہ کبھی اچھے کوچ نہیں رہے، جاوید میانداد کے خلاف کچھ نہیں کہوں گا۔شہریارخان نے کہا کہ بھارت کے پاکستان کے ساتھ سیریز نہ کھیلنے پر پی سی بی کو 64 ملین ڈالر کا نقصان ہوا، بھارت کو لیگل نوٹس بھجوا دیا ، آئی سی سی قوانین کے مطابق بھارت ایک ہفتے کے اندر جواب دینے کا پابند ہے
