بارباڈوس (این این آئی)پاکستان کی ٹیسٹ ٹیم کے کپتان مصباح الحق ویسٹ انڈیز کے خلاف دوسرے ٹیسٹ میچ میں 99 رنز بنانے کے بعد پویلین لوٹے جس کے ساتھ ہی وہ ٹیسٹ کرکٹ کی تاریخ میں ایک انوکھا ریکارڈ اپنے نام کر گئے۔مصباح الحق کی خواہش تھی کہ وہ آخری ٹیٹ میچ کو اپنی زندگی کا ویسٹ انڈیز کے خلاف دوسرے ٹیسٹ میچ میں 99 کے اسکور پر ویسٹ انڈین کپتان جیسن ہولڈر نے پاکستان کے کپتان کی اننگز کا اختتام کر دیا
جس کے ساتھ ہی وہ کرکٹ کی 140 سالہ تاریخ میں پہلے کھلاڑی ہیں جس کی اننگز تین مرتبہ 99 رنز پر تمام ہوئی۔مصباح الحق اپنے کیریئر میں کل تین مرتبہ 99 کے ہندسے تک محدود رہے جہاں دو مرتبہ وہ اپنی وکٹ محفوظ نہ رکھ سکے اور ایک مرتبہ پوری ٹیم پویلین لوٹنے کے سبب وہ اپنی اننگز کو تین ہندسوں میں تبدیل کرنے میں ناکام رہے۔ یہاں دلچسپ بات یہ ہے کہ جہاں ایک بار پھر 99پر آئوٹ ہونے کے بعد مصباح کے مداحوںکی جانب سے بے شمار ٹویٹس آئے وہیں ان کی اہلیہ بھی خاموش نہ رہ سکیں اور انوکھے انداز میں اپنے شوہر پر کمنٹ پاس کیا ۔ انہوںنے ٹویٹ کیا کہ ”جو بھی ہے۔۔۔! آپ کو پانا خوش قسمتی ہے مسٹر 99۔۔۔“ مصباح الحق کی اہلیہ کی جانب سے جاری ہونے والے اس پیغام کو صارفین کی جانب سے بے حد پسند کیا جا رہا ہے ۔
