لاہور(مانیٹرنگ ڈیسک) پاکستان سپرلیگ کے پہلے اوردوسرے ایڈیشن کی کامیابی کے بعد تیسرے ایڈیشن میں چھ ٹیمیں کھیلیں گی اورپاکستان کرکٹ بورڈنے چھٹی ٹیم کےلئے بولی دینے کااعلان کردیاہے اورچھٹی ٹیم کےلئےبولی کے عمل کا آغاز 30 مئی 2017 کو لاہور کی نیشنل کرکٹ اکیڈمی میں ہو گا۔تفصیلات کے مطابق پی سی بی نے پی ایس ایل کے تیسرے ایڈیشن کی چھٹی ٹیم کےلئے پانچ رینجزجن میں فیصل آباد، حیدرآباد،
ڈیرہ مراد جمالی، فاٹا اور ملتان کااعلان کیاتھااور ان میں سے ایک رینج کوپی ایس ایل کی فرنچائزکادرجہ دیاجائے گاجس کی پاکستان میں کارکردگی بہترہوگی اورصرف ٹیکنکل بنیادوں پرپوری اترنے والی رینج کوبولی دینے کی اجازت دی جائے گی ۔واضح رہے کہ پی ایس ایل کے تیسرے ایڈیشن میں چھٹی ٹیم کوبھی شامل کرنے کی تجویزگزشتہ سال مئی میں دی گئی تھی لیکن پی ایس ایل کی موجود ہ پانچ فرنچائزکے درمیان ہونے والے معاہدے کی وجہ سے دوسرے ایڈیشن میں چھٹی ٹیم کوشامل نہیں کیاجاسکاتھاجبکہ پاکستان سپرلیگ کے چیرمین نجم سیٹھی نے رواں سال ہی چھٹی ٹیم کوبھی تیسرے ایڈیشن میں شامل کرنے کااعلان کیاتھاجس پراب عمل بھی کیاجائےگااورپی ایس ایل کے تیسرے ایڈیشن میں چھٹی ٹیم بھی شامل ہوگی اوراس کی شمولیت کےلئے باقاعدہ بولی دی جائے گی اوربولی پرپورااترنے والی رینج ہی فرنچائزکادرجہ حاصل کرسکے گی ۔پی ایس ایل کے چیرمین نجم سیٹھی نے یہ بھی اعلان کررکھاہے کہ تیسرے ایڈیشن کے کچھ میچ پاکستان میں کھیلے جائینگے اورفائنل کراچی میں کھیلاجائےگا۔پی ایس ایل کے دوسرے ایڈیشن کی کامیابی کے بعد اب پی سی بی کی طرف سے اعلان کردہ رینجزمیں سے ایک رینج کوبولی کے ذریعے پی ایس ایل کاحصہ بنایاجائے گااوراس کوبھی فرنچائزکادرجہ ملے گا۔اورچھٹی فرنجچائزکی وجہ سے مزید غیرملکی اورملکی کھلاڑیوں کوکھیلنے کاموقع ملےگا
