لاہور (مانیٹرنگ ڈیسک)پاکستان سپرلیگ میں پشاو رزلمی کے مالک جاوید آفریدی نے پاکستانی کرکٹ ٹیم کے کھلاڑی یونس خان کو10ہزارتاریخی رنزبنانے پران کےلئے ایک’’ خاص تحفے‘‘ کااعلان کیاہے ۔پشاورزلمی کے مالک جاوید آفریدی نے میڈیاسے گفتگوکرتے ہوئے کہاکہ یونس خا ن نے 10ہزاررنزکرکے پاکستان کانام دنیابھرمیں روشن کردیاہے اورقومی کرکٹرکے اس کارنامے کوجتنابھی سراہاجائے کم ہے ۔
انہوں نے کہاکہ یونس خان کی طرف سے 10ہزاررنزکرناایک تاریخی لمحہ ہے جس پرہرپاکستانی فخرکررہاہے ۔اس موقع پرجاوید آفریدی نے کہاکہ میں نے یونس خان کواس کی بہترین کارکردگی پراس کوایک ’’خاص تحفہ ‘‘دینے کامنصوبہ بنارکھاہے اورجب یونس خان واپس وطن آئیں گے تواس وقت میں اس خاص تحفے کارازبتائوں گا۔اس موقع پرانہوں نے یونس خان کواے پی ایس پشاورلے جانے کااعلان بھی کیا۔
