کنگسٹن(آئی این پی) قومی کر کٹ ٹیم کے فاسٹ باؤلر محمد عامر نے جمیکا ٹیسٹ کے دوسرے روز 11.3 اوورزکے کھیل میں گرنے والی دونوں وکٹیں حاصل کرکے اننگزمیں 5وکٹیں مکمل کرکے 17 سال بعد کیربیئن سرزمین پر اننگزمیں پانچ وکٹیں حاصل کرنیوالے پہلے ملکی فاسٹ باؤلر بن گئے ہیں۔محمد عامر سے قبل قومی ٹیم کے سابق کپتان وسیم اکرم نے مئی2000ء میں یہ کارنامہ سرانجام دیاتھا ،انہوں نے اینٹیگا ٹیسٹ کی دونوں
اننگزمیں مجموعی طور پر 11وکٹیں حاصل کی تھیں۔محمد عامر اب فضل محمود،عمران خان،وقاریونس اور وسیم اکرم کے بعد ویسٹ انڈین سرزمین پر اننگزمیں 5 وکٹیں لینے والے5ویں ملکی فاسٹ باؤلر بن گئے ہیں،عمران خان نے کیریبیئن سرزمین پر یہ کارنامہ3 ، وسیم اکرم نے2 جبکہ وقاریونس اور فضل محمود نے1،1 بار سرانجام دے رکھا ہے۔انہوں نے اینٹیگا ٹیسٹ کی دونوں اننگزمیں مجموعی طور پر 11وکٹیں حاصل کی تھیں۔
