لاہور(نیوزڈیسک)پاکستان سپر لیگ کے اگلے ایڈیشن میں چھٹی ٹیم کے نام کا اعلان،نجم سیٹھی نے حمایت کردی،نجم سیٹھی نے کہا ہے کہ میں اپنے ٹوئٹ میں پہلے ہی آزاد کشمیر کو چھٹی ٹیم کے طور پر حمایت کا اعلان کرچکا ہوں تاہم چھٹی فرنچائز کے حتمی فیصلے کیلئے بی او جی کے اجلاس میں ہمیں اس پر بحث کرنے کی ضرورت ہے اور امید ہے کہ گزشتہ دونوں سیزن کی طرح چھٹی ٹیم بھی مہنگے داموں فروخت ہوگی۔

انہوں نے کہا کہ چھٹی ٹیم کے اضافے کے بعد ٹورنامنٹ میں 10 مزید میچ بھی ہوں گے جس کے بعد مجموعی طور پر 34 میچ ہوں گے اور اس سے ہماری لیگ کی قیمت بڑھے گی جو براڈکاسٹرز کیلئے ایک اچھی خبر ہوگی جنھوں نے پی ایس ایل کے حقوق تین سال کے لیے خریدے ہیں تاہم یہ فیصلہ خاص اجلاس میں ہی ہوگا۔انھوں نے واضح کیا کہ چھٹی ٹیم کیاضافے پر فرنچائز مالکان کے درمیان کوئی اختلاف نہیں ہے۔ہم نے پی ایس ایل میں چھٹی ٹیم کے اضافے پر بحث کی ہے اور یہ ٹیم آزاد کشمیر، گلگت یا کوئی اور ہوسکتی ہے۔ چھٹی ٹیم کو پی ایس ایل میں کھلائے جانے کے لیے گزشتہ سال سے غورہو رہا تھا اب کشمیر ، گلگت یا کسی جگہ کی ٹیم کو بطور چھٹی ٹیم پی ایس ایل میں کھلایا جائے گا۔ انھوں نے کہا کہ پی ایس ایل کے اگلے ایڈیشن میں لاہور، کراچی اور راولپنڈی میں میچز ہوسکتے ہیں کیونکہ سیکیورٹی کی صورت حال بہت بہتر ہوچکی ہے