اسلام آباد نیوز ڈ یسک)انگلینڈ میں جاری ’دی ہنڈرڈ‘ ویمنز لیگ کے ایک میچ کے بعد پاکستانی کپتان فاطمہ ثناء اور بھارتی کرکٹر جمائما روڈریگز کی دوستانہ ملاقات نے کرکٹ شائقین کی توجہ حاصل کر لی۔

میچ کے اختتام پر دونوں کھلاڑیوں نے ایک دوسرے سے گرمجوشی کے ساتھ مصافحہ کیا اور بعد ازاں گلے مل کر کھیل کے میدان میں باہمی احترام، سپورٹس مین اسپرٹ اور مثبت رویے کا اظہار کیا۔ ان کی یہ ملاقات سوشل میڈیا پر بھی خاصی زیرِ بحث رہی۔یہ منظر ایسے وقت میں سامنے آیا ہے جب حالیہ مہینوں میں پاکستان اور بھارت کے درمیان سیاسی کشیدگی کے باعث دونوں ممالک کے کرکٹ تعلقات بھی متاثر ہوئے ہیں۔ پہلگام واقعے کے بعد دونوں ممالک کے درمیان تناؤ میں اضافے کا اثر کھیلوں کی سرگرمیوں پر بھی دیکھا گیا، جہاں بعض بین الاقوامی مقابلوں میں بھارتی ٹیموں نے پاکستانی کھلاڑیوں سے روایتی مصافحے سے گریز کیا تھا۔اس وقت جمائما روڈریگز سدرن بریو ویمن جبکہ فاطمہ ثناء برمنگھم فینکس ویمن کی نمائندگی کر رہی ہیں۔

دونوں کھلاڑی مختلف فرنچائزز کا حصہ ہونے کے باوجود میدان میں ایک دوسرے سے خوش اخلاقی اور احترام کے ساتھ ملیں۔کرکٹ حلقوں کا کہنا ہے کہ اس طرح کے مناظر اس حقیقت کی عکاسی کرتے ہیں کہ بین الاقوامی سیاسی اختلافات کے باوجود مختلف ممالک کے کھلاڑی پیشہ ورانہ تعلقات اور کھیل کے جذبے کو برقرار رکھتے ہیں۔

Everyone debating if Fatima Sana and jemimah Rodrigues would shake hands and they straight up HUGGED?!😭😭🙏

Keep politics out of sports FOREVER. pic.twitter.com/XCE2lswGlg

— A. (@anhnjo) July 30, 2026