اسلام آباد(نیوز ڈ یسک) حکومتِ سندھ نے چہلم حضرت امام حسینؓ کے موقع پر صوبے بھر میں سرکاری اور نجی تعلیمی اداروں میں عام تعطیل کا اعلان کر دیا ہے۔

محکمہ اسکول ایجوکیشن سندھ کی جانب سے جاری کیے گئے نوٹیفکیشن کے مطابق 4 اگست، بروز منگل، تمام سرکاری و نجی اسکول اور دیگر تعلیمی ادارے بند رہیں گے۔یاد رہے کہ موسمِ گرما کی تعطیلات کے اختتام کے بعد سندھ بھر میں تعلیمی سرگرمیوں کا دوبارہ آغاز 3 اگست 2026 سے ہوگا، جبکہ اس کے اگلے روز چہلم حضرت امام حسینؓ کی مناسبت سے صوبے کے تمام تعلیمی اداروں میں تعطیل رہے گی۔