اسلام آباد(مانیٹرنگ ڈیسک) نامناسب الفاظ پر دل کیا کہ کوہلی کے سینے میں وکٹ گھونپ دوں، سابق معروف آسٹریلوی کرکٹر ایڈکوان کی میڈیا سے گفتگو۔تفصیلات کے مطابق سابق معروف آسٹریلوی اوپنر ایڈ کوان نے میڈیا سے گفتگو کرتے ہوئے آسٹریلیا بھارت میچ کے دوران کوہلی کے نامناسب روئیے کا واقعہ سناتے ہوئے کہا کہ ویرات کوہلی کے نامناسب روئیے نے مجھے آگ بگولا کر دیا تھا اگر ایمپائر ہمارے درمیان بیچ بچائو نہ کراتے تو اس وقت میرا دل چاہ رہا تھا کہ وکٹ اٹھا کر
کوہلی کے سینے میں گھونپ دوں۔ انہوں نے بتایا کہ جب میں بھارت کے ساتھ میچ کھیل رہا تھا اس دوران میری والدہ بہت بیمار تھیں اور کوہلی نے میری والدہ بارے نازیبا الفاظ ادا کئے جس سے مجھے شدید غصہ آیا اور ہو سکتا تھا کہ کچھ گڑبڑہو جاتی مگر اس دوران ایمپائرز نے بیچ بچائو کرا دیا۔ واضح رہے بھارتی کرکٹ کپتان ویرات کوہلی کے حوالے سے بہت سے کرکٹر ان کے روئیے بارے شاکی ہیں جبکہ آسٹریلوی میڈیا تو ویرات کوہلی کو کرکٹ کا ڈونلڈ ٹرمپ بھی قرار دے چکا ہے۔
