پورٹ آف سپین (آئی این پی) پاکستان اور ویسٹ انڈیز کے درمیان تیسرا ٹی ٹونٹی ہفتہ کو پورٹ آف سپین میں کھیلا جائے گا ، اہم میچ میں کامیابی پاکستان کو مختصر فارمیٹ کی سیریز میں فیصلہ کن برتری دلوا دے گی۔ پاک ویسٹ انڈیز تیسرا ٹی ٹونٹی ہفتہ کو پورٹ آف سپین میں شیڈول ہے ، دونوں ٹیمیں پاکستانی وقت کیمطابق رات ساڑھے نو بجے ان ایکشن ہوں گے۔ واضح رہے کہ پہلے دو ٹی 20 میں پاکستان نے ویسٹ انڈیز کو
شکست دیکر دوصفر کی برتری حاصل کر لی ہے ، شاداب خان نے اہم کردار ادا کیا ،شاداب خان نے دو میچز میں 7 وکٹیں حاصل کیں۔ معروف کرکٹ ویب سائٹ کے مطابق کامران اکمل کی جگہ محمدحفیظ کو موقع دیئے جانے کا امکان ہے، میدان میں اترنے والے متوقع گیارہ کھلاڑی یہ ہونگے۔ احمد شہزاد، محمد حفیظ، بابر اعظم، فخر زمان، شعیب ملک، سرفراز احمد(کپتان،وکٹ کیپر) عماد وسیم، شاداب خان، سہیل تنویر، حسن علی، وہاب ریاض۔
