اسلام آباد(مانیٹرنگ ڈیسک) ثانیہ مرزا اور باربورا سٹرائیکوا کا میامی اوپن ٹینس ٹورنامنٹ میں کامیابیوں کا سلسلہ جاری، میامی اوپن کے کوارٹرز فائنل میں پہنچ گئیں، شعیب ملک کا بھی خوشی کا اظہار۔تفصیلات کے مطابق ثانیہ مرزا اور باربورا سٹرائیکوا کا میامی اوپن ٹینس ٹورنامنٹ میں کامیابیوں کا سلسلہ جاری ہےجہاں انہوں نے پری کوارٹر فائنل میں روسی اور ہنگری کی جوڑی کو شکست دیکر میامی اوپن کے کوارٹرز فائنل میں پہنچنے کا
اعزاز حاصل کر لیا ہے۔ دونوں کھلاڑیوں نے ایک چھ، چھ ایک اور دس چار سے فتح اپنے نام کی۔ اس میں میچ میں فتح کے بعد ثانیہ مرزا اپنی ساتھی کھلاڑی کے ہمراہ میامی اوپن کے کوارٹرز فائنل میں پہنچ گئی ہیں جہاں ان کا مقابلہ قازقستان کی یاروسلاوا اور امریکی کھلاڑی وانیا کنگ کی جوڑی کے ساتھ ہوگا۔ثانیہ مرزا کی میامی اوپن کے کوارٹر فائنل پر پہنچنے پر ان کے شوہر اور معروف پاکستانی کرکٹر شعیب ملک نے بھی خوشی کا اظہار کیا ہے۔
