اسلام آباد(مانیٹرنگ ڈیسک) قومی کرکٹ ٹیم کے سابق کپتان عمران خان نے ایک نجی ٹی وی پروگرام میں گفتگو کرتے ہوئے کہا ہے کہ دنیا میں جوئے کا گڑھ ممبئی ہے، پہلے لوگ مجھے کہتے تھے کہ فلاں کھلاڑی بک گیا ہے تو میں مانتا نہیں تھا۔ جب سے میں کرکٹ ٹیم کا کپتان بناتو مجھے کسی نے اپرووچ نہیں کیا اور نہ میچ فکس کرنے کیلئے کہا۔ایک بار ایشیا کپ کا فائنل تھا، رات کو دو بجے مجھے ٹیلی
فون آیا کہ آپ کے چار کھلاڑی فائنل سے پہلے بک گئے ہیں، میں نے ساری ٹیم کو جمع کیا اور میں نے انہیں کہا کہ مجھ اس اس طرح فون آیا ہے، میں نے انہیں کہا کہ میں کرکٹ جانتا ہوں اور آپ سب کو بڑے قریب سے دیکھ رہا ہوں، اگر مجھے لگا کہ کسی کھلاڑی نے جان کر بری پرفارمنس دی ہےتو میں اس کھلاڑی کو ٹیم سے بھی نکلوائوں گا اور جیل میں بھی ڈلوائوں گا، اس بات کی میں ضمانت دیتا ہوں۔
