لاہور(مانیٹرنگ ڈیسک)پاکستانی کرکٹر احمد شہزاد اپنی سیلفیوں کی وجہ سے سوشل میڈیا پر کافی مقبول رہتے ہیں اور شائقین کرکٹ ان کی ہر سیلفی سے بے حد محظوظ بھی ہوتے ہیں۔ اب کی بار انھوں نے سیلفی کے بجائے ایک ویڈیو کے ذریعے تمام لوگوں کو یہ واضح کردیا ہے کہ وہ نہ صرف ایک اچھے کھلاڑی بلکہ ان
میں اداکاری کے گْر بھی موجود ہیں۔ ان کی نئی ویڈیو میں دیکھا جاسکتا ہے کہ وہ عماد وسیم کے کہنے پر کیسے پاکستان کے مایہ نازکھلاڑی’پروفیسر’ محمد حفیظ کی بہترین طریقے سے نقل اتار رہے ہیں۔ ویڈیو میں ارد گرد موجود لوگ بھی ان کی اداکاری سے خوب لطف اندوز ہورہے ہیں اور انھیں داد بھی دے رہے ہیں۔
