لاہور/اسلام آباد(آئی این پی)وفاقی تحقیقاتی ادارے (ایف آئی اے) نے اسپاٹ فکسنگ اسکینڈل کی تحقیقات کے دوران 5 مشتبہ کھلاڑیو ں کے نام ایگزٹ کنٹرول لسٹ میں شامل کرنے کا فیصلہ کیا ہے۔ ایف آئی اے نے پانچ مشتبہ کھلاڑیوں محمد عرفان، شاہ زیب حسن ، خالد لطیف ، شرجیل خان اور ناصر جمشید کے نام ای سی ایل میں ڈالنے کی وزارت داخلہ سے سفارش کردی۔ ذمہ دار ذرائع نے بتایا کہ ان مشتبہ کھلاڑیوں
کے نام ای سی ایل میں شامل کرنے کی سفارش ایف آئی اے پنجاب کے ڈائریکٹر ڈاکٹر عثمان اور تفتیشی افسر شاہد حسن کی طرف سے کی گئی ہے اور اس ضمن میں انکی طرف سے لکھا گیا مراسلہ وزار ت داخلہ کو موصول بھی ہوگیا ہے۔ ذرائع کا کہنا ہے کہ مذکورہ کھلاڑیوں کے نام ای سی ایل پر 48 گھنٹو ں کے د وران شامل کیے جاسکتے ہیں۔کل تین بجے کھلاڑی ایف ائی اے لاہور میں اپنا بیان ریکارڈ کروائیں گے۔
