اسلام آباد(مانیٹرنگ ڈیسک) قومی کرکٹ ٹیم کے سابق کپتان شاہد خان آفریدی نے نجی ٹی وی پروگرام میں گفتگو کرتے ہوئے کہا ہے کہ پی ایس ایل سے پاکستان کی عزت میں اضافہ ہوا ہے اور پی ایس ایل کو عالمی سطح پر سراہا جا رہا ہے۔ شاہد آفریدی نے کہا کہ پاکستان میں پی ایس ایل فائنل کروانے کا مقصد یہ ہے کہ کسی طرح انٹرنیشنل کرکٹ پاکستان میں واپس آئے۔ سابق کپتان نے کہا کہ کچھ انٹرنیشنل کھلاڑی پاکستان میں کھیلنے

کیلئے تیار ہیں ۔ کچھ انٹر نیشنل کھلاڑی یہ بھی کہتے ہیں کہ جب پاکستان کے ہی کچھ لوگ یہ کہہ رہے ہیں کہ یہاں حالات ٹھیک نہیں تو اسلئے ہم کیسے جا سکتے ہیں۔ شاہد آفریدی نے کہا کہ عمران خان کا بیان ان کا اپنا نکتہ نظر ہے لیکن ان کے بیان کی وجہ سے ایسا نہیں کہ کوئی پاکستان کھیلنے کیلئے نہیں آ رہا۔