کراچی (مانیٹرنگ ڈیسک) پاکستان کرکٹ بورڈکے چیرمین شہریارخان نے کہاہے کہ کرپشن کرکے ملک کوبدنام کرنے والوں کونشان عبرت بنادیاجائے گا۔شہریارخا ن نے کہاکہ دبئی سے واپسی پرشرجیل خان اورخالد لطیف اورمیں ایک ہی پروازمیں تھے لیکن میں نے غصے کی وجہ سے ان سے بات تک نہ کی ۔کراچی ایئرپورٹ پرمیڈیاسے گفتگوکرتے ہوئے شہریار خا ن نے
کہاکہ میچ فکسنگ کرنے والے شرجیل خان اورخالد لطیف کے خلاف ہمارے پاس ٹھوس ثبوت ہیں ،ابھی ان کوعبوری طورپرمعطل کیاگیاہے لیکن ن کے خلاف الزامات ثابت ہونے پرسخت کارروائی عمل میں لائی جائے گی ۔انہوں نے پی سی بی میں کرپشن کے بارے میں زیروٹالرینس پالیسی ہے اورجوبھی اس دائرے میں آئے گااس کوقرارواقعی سزادی جائے گی ۔
