کولمبو(آئی این پی)پاکستان نے ویمنزورلڈکپ کوالیفائرز میں پہلی فتح حاصل کرلی ہے،پاکستان نے بنگلہ دیش کو 67رنز سے شکست دیدی ہے، پاکستان نے مقررہ اوورزمیں 10وکٹوں کے نقصان پر 227رنزبنائے۔بنگلہ دیش کی ٹیم ہدف کے تعاقب میں 160 رنز پرڈھیرہوگئی،پاکستان کی غلام فاطمہ نے تین، کپتان ثنامیراور ناشرہ سندھو نے دو،دو وکٹیں لیں،
پاکستان اپنا اگلا میچ جمعہ کوپاپوانیوگنی سے کھیلے گا۔کولمبو کے پی سارہ اوول گراؤنڈ میں کھیلے گئے میچ میں پاکستان کی خواتین کرکٹ ٹیم نے ٹاس جیت کر بیٹنگ کا فیصلہ کیا،مقررہ 50اوورز میں 227رنز بنائے۔ پاکستان کی طرف سے بسماء معروف نے35رنز بنائے جبکہ رابعہ شاہ اور عائشہ ظفر 34رنز بناکر نمایاں رہیں۔بنگلہ دیش کی طرف سے نگار سلطانہ 41رنز اور سنجیدہ اسلام 34اچھا اسکور بناسکی، ان دونوں کے علاوہ بنگلہ دیش کی کوئی خاتون کرکٹر 20رنز سے زیادہ اسکور نہ بناسکیں۔پاکستان نے وومنزورلڈکپ کوالیفائرز میں پہلی فتح حاصل کرکے 2پوائنٹس حاصل کرلیے ہیں۔
