کراچی(مانیٹرنگ ڈیسک) کراچی میں کھیلے جانے والے انٹر ڈسٹرکٹ انڈر 19 کرکٹ ٹورنامنٹ میں نوجوان فاسٹ بائولر نے 12 رنز کے عوض 10 وکٹیں لے کر نیا ریکارڈ قائم کردیا۔
تفصیل کے مطابق انڈر 19 ٹورنامنٹ میں زون تھری کی نمائندگی کرنے والے محمد علی یو بی ایل سپورٹس کمپلیکس میں کھیلے گئے میچ میں صرف 12 رنز کے عوض دس وکٹیں ایک ہی اننگز میں حاصل کر لیں۔
محمد علی کا یہ ریکارڈ فرسٹ کلاس کرکٹ کی سطح پر تو کوئی ریکارڈ نہیں کہلائے گا البتہ انڈر 19 لوکل کرکٹ میں ایک یادگار ریکارڈ کے طور پر یاد رکھا جائے گا۔ انٹرنیشنل کرکٹ میں صرف انیل کمبلے ہی اس اعزاز کے حامل ہیں۔