اسلام آباد(مانیٹرنگ ڈیسک) عدالت نے سابق کپتان وسیم اکرم کے وارنٹ گرفتاری جاری کر دیئے۔ وسیم اکرم کی مدعیت میں کافی عرصے سے ایک مقدمہ درج ہے جس میں وسیم اکرم گواہی کیلئے پیش نہیں ہو رہے۔ وسیم اکرم 31 سماعتوں میں نوٹس کے باجود عدالت پیش نہیں ہوئے۔

وسیم اکرم کی مدعیت میں بہادر آباد تھانے میں مقدمہ درج ہے۔ عدالت نے وسیم اکرم کے وارنٹ گرفتاری جاری کرتے ہوئے حکم جاری کیا کہ وسیم اکرم کو 17 جنوری کو ہر حال میں پیش کیا جائے۔مجسٹریٹ شرقی نے قومی کرکٹ ٹیم کے سابق کپتان وسیم اکرم کے وارنٹ گرفتاری جاری کئے ہیں۔