سڈنی (آئی این پی )آسٹریلیا کے ہاتھوں ٹیسٹ سیریز میں کلین سویپ کے بعد پاکستان کرکٹ ٹیم کی ٹیسٹ رینکنگ میں تنزلی ہوگئی جس کے باعث پاکستان ایک لاکھ ڈالر سے بھی محروم ہوگیا ۔ تفصیلات کے مطابق آسٹریلیا نے سڈنی ٹیسٹ میں پاکستان کو 220رنز سے شکست دے کر نہ صرف سیریز اپنے نام کی ۔آسٹریلیا نے پاکستان کو جہاں سیریز میں کلین سوئپ کرکے پے درپے ناکامیوں سے چھلنی کیا وہیں دو گہرے زخم اور بھی دیے۔
پاکستان کو سیریز میں ناکامی پر نہ صرف آئی سی سی کی چوتھی پوزیشن سے ہاتھ دھونے پڑ گئے بلکہ یکم اپریل تک ٹاپ فور میں نہ رہنے پر ایک لاکھ ڈالر کی انعامی رقم سے بھی محروم کردیا۔ اس وقت بھارت بدستور ٹیسٹ ورلڈ نمبرایک پوزیشن پرموجود ہے۔ آسٹریلیا نے پاکستان کے خلاف کلین سوئپ کے بعد ددرجے ترقی پاتے ہوئے دوسری پوزیشن حاصل کرلی ۔جنوبی افریقا تیسرے اور انگلینڈ چوتھی پوزیشن پر موجود ہیں۔
